Ngā kaupapa: Entertainment, NZ Music

I toa whakaihuwaka a Ruha i te wāhanga Maioha ki te pō tuku taonga APRA Silver Scrolls

Rahia Timutimu
  • Te Whanganui-ā-Tara

Ka puta ko Rob Ruha hei toa whakaihuwaka mō te wāhanga Maioha ki te pō tuku taonga APRA Silver Scrolls rua mano tekau mā whā.

Koinei te tau wha tekau mā iwa e haere ana te huihuinga nei, ā, i tae atu ngā tohunga kaitito, kaipūoro hoki ki Te Whanganui ā Tara inapō.

Kua āmaimai te tira hōu nei, a Manea, i tā rātou taenga atu ki ngā Silver Scrolls.

I tohua e Amomai Pihama rātou ko Kororia Taumaunu, ko Matt Sadgrove mō tā rātou waiata 'Kei Muri Pea', he mahi ohorere mō te tokotoru nei.

Engari, ko Rob Ruha tērā i tohua hei toa mō te wāhanga Maioha mō tana waiata 'Tiki Tapu'.

E ai ki a Rob he tino hua ki roto i ngā mahi haka mōna me āna mahi tito waiata, engari he ara hōu anō tēnei mā te hunga rangatahi Māori kia kite ai rātou i ngā painga o roto i te reo Māori.

Heoi kāre e kore ka kitea ēnei kaitito Māori hei ngā tau ki tua.