Kaupapa: Housing

I pupū ake te riri i te taenga atu o te Pirīmia ki te Matau a Māui

Aroha Treacher
  • Te Tai Rāwhiti

I pupū ake te riri i te rangi nei i te taenga ake a te pirimia a John Key ki Maraenui i Te Matau a Māui.

Nāna ngā whare kaporeihana hōu i whakarewa.

Heoi, nā te wairua riri o te hau kainga i tata tau tētahi hēki ki tōna kanohi.

Ko te poroporoaki tēnei ki te pirimia whai muri i te whakarewatanga o nga whare kaporeihana hou ki Maraenui.

Koinei te wā mā kaiporotēhi hei whakaputa i ō rātou whakaaro mō ngā whare kaporeihana.

Tata ki te whitu tekau mano ngā whare kaporeihana puta noa i te motu, otirā, ko ēnei whare hōu e rua rūma te rahi, te tīmatanga o te mahere whakahōu whare kaporeihana.

Ahakoa e ono ngā māka te taumata o ēnei whare hōu o roto hoki ngā taputapu pai, ki tā ngā kainoho o konei kei te rapu kainga tōnu o rātou whānau.

Heoi, he rerekē te wairua ā roto i ngā kā inga i ā waho, he tuku whakawhetai te mahi a ētahi mō ngā kainga mahana hou nei.

Engari kāore te hiahia a te ope o te Pirimia kia wehe wawe atu mā muri i tutuki pai, mahue ana ko te hapori e kimikimi whakautu tonu ana.

I tata mahue ngā hēki i rere ai i te mahunga o te pirimia me ōna hoa i a rātou i huri tō rātou tuara ki te hapori e whai whakautu tonu ana.