Kaupapa: Te Reo Māori

I pakeke mai a Meng Foon i roto i te reo Māori

Te Kuru o te Marama Dewes
  • Te Tai Rāwhiti

Ko Meng Foon te koromatua o Tūranga Nui ā Kiwa, koia anake te koromatua reo Māori o te motu.

"Koinei te kōhanga. Kei reira tāku whare, kei Matawhero a mātau māra kai kei reira, he nui ngā tāngata i mahi i tā mātau taha, o tāku reanga o te reanga o taku pāpa o taku kōkā."

Nō Haina ōna mātua, he toa huawhenua tā rātau ki Mākaraka, kei tua o Tūranga Nui ā Kiwa ki Te Tairāwhiti.

Ngā tini ngā mano nō Tūranga Nui ā Kiwa me Ngāti Porou kua haramai nei ki tēnei toa ki te hoko mai he kai, ka kōrero Porou ki a mātau, te reo ake o rātau mā ki a māua, koira te waimārietanga otirā kei te rata wau i ō rātau reo.

I a ia e tipu ana ka whai atu wāhi atu ia ki ngā rekereke o ngā puna kōrero me ngā pakeke matatau o Te Tairāwhiti

I taua wā ko au te kāea o te kapa, ka mea mai a Anaru Takurua, 'e tama whakapuare mai ō whatu me kī, ka mea atu au 'He Hainamana au."

Taka rawa te wā ka whanake a Meng Foon i roto i wāna mahi. Kua iwa tau a ia e tū ana hei koromatua mō Te Kaunihera o Tūranga Nui a Kiwa.

“Koira te mea ataahua kei te mātau wau i ō rātau whakaaro kei te tarai kaha wau kei waenga tātau te te kaunihera hei whakatutuki a rātau wawata a rātau mahi kei te tēpū otirā wētahi wā he uaua but kei te pai haere tonu ngā kaupapa.”

Hei tā Meng Foon he mihi ki te hunga nā rātau a ia tauawhi i a ia i roto te reo o Te Tairāwhiti.