Kaupapa: Matangirua - Finals Day

I oho mōata ngā kaiwhaiwhai o ngā mahi haka ki te whai wāhi noho ki te rā whakamutunga o Te Matatini

Wepiha Te Kanawa
  • Te Waipounamu

Nō te ata hāpara nei rite mārika ana ngā kaimātakitaki ki te kimi i te tino wāhi noho.

He āta rautaki te mahi a ētahi me te mau mai taputapu e ora ai rātou mō te toenga o te rā.

Rere ana te wairua whakataetae, engari kaua ki te papa whakatūwaewae anake .

E ai ki tētahi o ngā kaiwhaiwhai me “oma pērā i te hoiho, ngā hoiho o Te Tairāwhiti, me hukehuke tō oma ki tērā kēti.”

E hāneanea ai te kaimātakitaki i te roanga o te rā, tera ētahi rauemi me mātua rau ki tana kete.

Ki tā ētahi ko ngā rawa o roto, “He koti, he turu, ngā paraikete, ngā tarps, te kai, me tō tikiti.”

Mō te nui o te kaimātakitaki ki konei kei te tutuki ngā wawata, heoi ā-ipurangi kua eke ki tua noa.

Neke atu i te kotahi rau mano kua mātakitaki ā-arorangi atu, neke atu i te kotahi rau whitu tekau i whakapā atu ki te whārangi ipurangi o te papa kainga o te haka o Whakaata Māori, whā rau mano i pana i te pātene kōkiri, ā neke atu i te kotahi miriona i tae atu ki te whārangi pukamata o Te Kāea.