I mate tētahi pēpi i te tūnga waka o te hōhipera o Whanganui

updated Te Kāea
  • Te Tai Hauāuru
Whanganui Hospital - Photo / file

Kei te kuku ngā ngutu o te Ope Pirihimana mō ngā taipitopito e pā ana ki te matenga o tētahi pēpi i mate i te tūnga waka o te hōhipera o reira.

Kāore te Poari Hauora ā-Rohe o Whanganui, te Ope Pirihimana hoki i whakaae kia kōrero ā-kāmera mai ki a mātou, engari e ai ki a rātou, i mate te pēpi i runga i ngā whenua o te hōhipera.

E hāere tonu ana ngā whakatewhanga a ngā Pirihimama me te kaiwhakawā tūpāpaku, heoi tāria te wā ka mōhiotia ngā kōrero.

Engari ko te rua tekau te pae māhana i Whanganui nei, me te kaha o ngā ihi o Tamanui-Te-Rā, nā whai anō te ngaukino o te matenga nei, mō te whānau pani me te hapori whānui.

He pēpi te utu ki te ringahao o Hineraumati.