I maia te tū a Te Rua Wallace ki te whakataetae Miss World o Aotearoa

Taroi Black
  • Tāmaki Makaurau

Tekau mā iwa ngā kaiwhakakite pueru i whakataetae atu mō te Miss World o Aotearoa. Tētahi o ngā kaiwhakataetae i whai wāhi ki tōna tauwhainga tuatahi ko Te Rua Wallace.

Tekau mā waru ōna tau me tōna manako hoki ka takahitia e ia te arawhānui tika.

Ki ētahi he anahera pono tēnei māreikura o Rotorua.

I oti tuatoru mai a Te Rua Wallace i te tauwhainga Miss World New Zealand.

Hei tāna, “He maha ngā kōtiro, he tino pukenga a rātou. Ko au tētahi o ngā pepe o te whakataetae. Kare au i whakaaro ka eke ahau ki te taumata tokowaru.”

Ko te tauira rongoa o Otakou a Deborah Lambie te wikitōriatanga. I turakina e ia ngā kaiwhakataetae tekau mā waru.

I roto i tēnei uiuitanga me Te Rua Wallace, i whakamārama mai ia i ngā taumahatanga o te whakataetae. Ko tētahi o ōna kaiako ko te toa Toastmaster o te āo a Kingi Biddle.

E ai ki a Wallace, “I haere ahau kia Kingi Biddle ki te āwhina i ahau ki te taha kōrero. Ki te kōrero i mua i ngā tangata anō hoki ki te whakautu i ngā pātai mō te pō rā.”

Kei te ako tonu a Te Rua Wallace i roto i ngā mahi hanga kākāhu i Waiariki. Ko tōna hiahia kia whakatū i tētahi toa kākāhu a tōna wā.