Kaupapa: Kōhanga Reo

I hui tahi te Poari Matua me ngā Kōhanga o Mataatua-Tauranga

  • Waikato/Te Waiariki

I te taenga atu o Te Kāea ki te hui, kapi katoa ana ngā kuaha ki ngā kāmera. 

I te rā nei, i hui tahi ētahi mema o te Poari o Te Kōhanga me ētahi mangai nō te rohe o ngā Kōhanga o Mataatua Tauranga.

E mārama ana a Te Kāea, i karangatia te hui e te Poari, kia rapu huarahi whakamua, whai muri i te putanga mai o ngā nawe a te peka o ngā Kōhanga Reo o Mataatua Tauranga, i pupu ake, whai muri i te peinga atu o Titoki Black, te Tumu Whakarae ō-mua.  

Hei tā tētahi māngai mai i te rohe o Mataatua-Tauranga, i whakatakotoria o rātou hiahia ki mua i te aroaro o te Poari, i tau pai ai te noho a te hui, ā, hei tāna, taro ake ana te wā, ka puta he hua e anga whakamua ai te kaupapa nei. 

Ko te tikanga ka whakapāho tētahi pūrongo a Native Affairs hei te pō nei, e aro atu ana ki ngā whakahaere ā-pūtea a te Kōhanga.

Hoino, i te Whanganui-a-Tara, i te ahiahi tonu nei i te āmenehia te tono a te Kōhanga Reo e te Kōti Teitei kia aukati i te whakapāhotanga.

Ko tā Te Kōhanga, he kōrero tūmataiti, matatapu tēnei, ko tā Native Affairs, mō te katoa kē te painga, hei tā Whakaata Māori, ka okeroa tonu rātou kia kite i te whakapāhotanga o te pūrongo nei.