Ngā kaupapa: Environment, Indigenous

I haere te Pirimia o ngā moutere o Horomona ki SEEKA (Te Puke)

Mere McLean
  • Waikato/Te Waiariki

I tae atu te Pirimia o ngā moutere o Horomona ki te whare huarākau kiwi o SEEKA ki Te Puke i tēnei rā. Kotahi rau, tekau mā rua ngā kaimahi nō ngā moutere o Horomona kei SEEKA e mahi ana, ā, ka mahi rātou ki reira mo ngā marama e whitu.

Hei whakautu i te karanga kia tokomaha ake ngā kaimahi huarākau kiwi. Ka tūhono nei a SEEKA, tētahi o ngā kamupene nui o te huarākau kiwi ki ngā whenua pēnei i ngā moutere o Horomona ki te kimi kaimahi mo ngā marama uaua. Ki tā te tumu whakarae o SEEKA a Michael Franks “kei te kaha mātou ki te akiaki i te kawanatanga kia nui ngā kaimahi nō tāwahi, tuatahi kei te hiahia mātou i ngā kaimahi nō Aotearoa engari i ngā wā uaua ka uaua mo to mātou takiwa”.

Kei konei te Pirimia o ngā moutere o Horomona ki te whakaara ake i ngā taura here. I tēnei wā neke atu i te kotahi rau ngā Horomona e mahi ana ki raro i a SEEKA, ka mahue mai rātou i o rātou whānau, whenua kia mahi ki konei mo te whitu marama. Nō ngā moutere o Horonoma a Raymond Soqevaleke hei tāna “he tawhiti mai te kainga me te whānau engari he pai ngā tāngata ō konei, he pai aku rangatira ki a mātou”. Hei tā Jesamine Kaukui o Horomona “mo te whānau, tēnei mahi mo rātou kia tiaki i a rātou me te hapori”.

Ki raro i a SEEKA ka whai wāhi noho, kai me te utu ēnei hunga engari he mahi nui tēnei mo rātou. Hei tā Diana Tagini o ngā moutere o Horomona, nō te Whiringa a Rangi tae mai ia ki konei. Hei tā Croffson Mana he “rawe ki ahau te mahi kia utua hei awhina i taku whānau”. Ki Te Whanganui a Tara te haere te Pirimia tua-a-rangi ināeanei.