Human remains found near Waikato construction site

  • Waikato/Te Waiariki

He kōiwi kua kitea ki ngā mahi whakawhanake i te rori matua o Waikato, ki te takiwa o Rāhui Pōkeka. Ko te waahi i kitea ai ēnei koiwi, he whenua e whai pānga ana ki ngā iwi maha o Tainui.

I kitea enei Kōiwi e ngā kaikeri hītori ki Kimihia, arā te kainga o ngā hapu a Ngāti Mahuta me Ngāti Whawhakia.

Hei tā he māngai mo te mana whenua o taua rohe a Moko Tauaiki, “Na te archaeologist e whakae ake ana, kei konei hoki he kōiwi. I wahotia ake tera momo mahi o te archaeologist ki te mahi tona mahi.”

E ai ki ngā Kaikeri Hītori he kitenga ēnei no mua noa atu i te taenga mai a te Pakeha.

“Ko te tūranga mo matou ano te hau kainga nei, tuatahi me takina ano ngā karakia, kia whakarite ano he wāhi niki, kia pai haere ana ngā kai mahi,” hei tā Tauariki.

Archaeologist Colin Sutherland told Te Kāea, “We came across some bones and futher investigation of those showed them to be a scale and its quiet likely they are koiwi or human remains.”

Ko te huarahi matua o Waikato te kaupapa hangs rori nunui rawa o Aotearoa. Mai te timatanga o nga mahi hanga I tera tau tera ano etahi atu koiwi rua kumara hoki I kitea.

Hei Tā Tauariki, “No te mea koina te tino putake i nohotahi matou ki NZCA, I mua I te hunghung I tēnei rori o ratou, o tatou. Noho tahi matou mo ngā tau e toru, I ngā tau o mua hoki.”

Kei te mohio a Waka Kotahi ki ngā kitenga koiwi ki tenei waahi, na reira ka whakaturia e ratou ngā rautaki tikanga hoki hei whakahaere I tēra āhuatanga.