Kaupapa: Tūhoe

Hui Ahurei a Tūhoe - Tame Iti explains role of receiving the wero

Rahia Timutimu
  • Waikato/Te Waiariki

He rongonui a Tame Iti i waenga i tana iwi a Tūhoe. Ko tētahi o ana tino tūranga i konei, ko te kaihiki i te wero a nga kapa haka pakeke. Heoi, nā ngā rerekētanga kua pā ki tēnei ahurei, kua huri kē tana anga, kia riro kē mā tētahi o te hunga rangatahi taua tūranga e whakakī.

He kanohi kitea ki roto o Ngāi Tūhoe.

Hei tā Tame Iti, “Kua tika moku ki te whakaki i taua turanga kua nohia, i riro ia Mowai Tihi.”

Tekau mā rima kua taha ake nei, nō te rironga i a Tame te turanga matua i te kāhui kaitautoko, arā tērā o te kaihiki i te wero ki ngā kapa haka pākeke.

Ko tā Iti, “He mahi mama noaiho, he tekoteko noaiho tērā mahi, ko te mahi noaiho he kanohi mō rātou. Mēnā koi nano ka rere i roto i ngā tau i pahure ake nei na tēnā hau atu te māhunga a Tame iti, tēnā ka aha ia? Wera he katakata noaiho rānei, I reira tētahi wa I ahua tupato anō āhau.”

He tūranga i riro i aia i te tau rua mano mā tahi, i tana kaiako, ia Mowai Tihi.

Ā, pēra i a Mōwai, tekau mā rima tau ki muri, kei te tuku ia i taua tūranga rā ki a Tamahore Rangi, he kanohi kitea i waenga i te hunga rangatahi ki Tuhoe

“Ko tēnei te tirahou e haere mai nei, ka tika kia tuku tērā wāhanga ki tēnei o mātou tamaiti, kia Tamahore, he tohunga ia ki ērā āhuatanga. Ko tērā te kanohi o te ao o nāianei,” tā Iti

I roto i ngā tau neke atu i te rua rau ngā kopere kua whakatakotohia ki te aroaro o Tame. Ko tētahi kua mokoia ki tōna ngākau.

Hei tā Iti, “I maumaha au ki tētahi rōpū, ki taku mōhio nō Heretaunga, te āhua nei i āhua tumeke aia, I tetahi wa i āhua, ka kite tonu koe kei te ako tonu ai aia, ka whakaro ake ka haere te whakamataku iaia, koi rā te mahi, ka kite koe te neke o te tangata ka kite tonu koe. To mahi pēnā kei te hē, kua rere atu koe. 

Ka noho tonu a Tame ki tana paepae, tautoko ai i te reanga hou kua eke nei ki te tūranga, nōna i tōna wā.