Hui Ahurei a Tūhoe - Founding members remembered

Taroi Black
  • Waikato/Te Waiariki

Ko Te Hui Ahurei a Tūhoe he tino huihuinga a te iwi, ā, kua eke ia ki tōna tau wha tekau ma rima. Koia hoki tētahi o ngā huihuinga tawhito ā-iwi o te motu ka tū anō ki Ruatoki i tēnei tau me te whāinga nui, kia anga whakamua te iwi. Kei reira tā mātou kairipoata a Taroi Black.

Hiki ake te kohu i te ata hāpara ko ngā uri o Hinepukohurangi te takatū ake.

Kua whānau mai he mahere hou. 

Tūhoe kua ngaro ki te pō. Tūhoe inaianei, Tūhoe kāore ano kia whānau mai ki te ao. Heoi anō e kī ana te kōrero akonga te reo Māori ki te kāinga, tū ana ki te marae, tau ana ki te ao,” says Wikamaua Hiakita no Ngāti Raka.

Hei tā te Heamana o Taunuke Kororangi a Pou Temara, “E whakapono ana ahau nei he reanga kei muri i a matou ka mutu kua tae mai taua reanga tamariki a Ngai Tuhoe hei ārahi i te Ahurei, hei ārahi i te iwi ki rangi tāhuahua. E tika ana kia whakawateatia he wahi mo nga mea tamariki ki te whakahaere.”

“Ko te rerekētanga e kitea ana i tēnei tau ko te korehanga a ngā pakeke pūmau, ārahi, kawe i tō tātou kaupapa. Te hunga whakatō tō tātou ahurei pērā i a tātou te hunga rangatahi,” says IV - Whitiaua Ropitini no te roopu Mātaatua ki Rotorua.

Ka tū Te Hui Ahurei ia rua tau hei whakakotahi i ngā uri whakatipu, ki te whakanui hoki i ā rātou taonga tuku iho.

Hei tā Hukarere Purewa, no Te Komiti Iti o te hui ahurei, “Me kī mō te komiti, mō ngā kaimahi, ko te tino rereke kua kore tō mātou pāpā a koro Tiwi. Nōreira he mea nui tera.” 

Waiho tonu mō āpōpō te wā e tū ai ngā kapa haka a ngā pākeke, mō tēnei rā tuatahi, ko te hunga tamariki kē te karanga.

“He maha nga kanohi hou koira te mea nui a kua haere mai ratou kit e rapu I to ratou Tuhoetanga,” hei tā Te Reia Heurea, Ngāti Tawhaki.

E whakapaetia ana neke atu I te rua tekau mano te hunga ka whakarauika mai ki Ruatoki mo te hui nui a te iwi.