Hui Ahurei o Tūhoe - For the future generations

Mere McLean
  • Waikato/Te Waiariki

Ko te pātai, he aha te tikanga o tēnei hui ahurei, mo ngā uri, he pēhea nei tōna aronuitia e rātou..

Koinei te ahurei a iwi kua roa e haere ana ki Aotearoa. 

“Koinei rā te manawa o Tūhoe, kei konei te kōrero e kī ana, ko Te Hui Ahurei te kai tō mai i a Tūhoe, he tika tērā,” hei tā Hori Uatuku no Te Mahurehure, Tūhoe.

He iwi toru tekau mā rima mano te rahi, ā, i roto i nga tau whā tekau ko ta rātou hiahia ki te whakahaere i a rātou anō, ka mutu, kei roto i tēnei hui te tuapapa o tērā whakaaro. 

Mo Tom Brown, kua heria mai ia i te pōtiki o tana whānau ki konei, ko tāna e manako ai kia wāea ia ki tōna Tūhoetanga, “We don't get a chance to celebrate as Tūhoe, together very often, apart from in your own, whārua, or in your own hapū, it's just a good time to come together and connect and as one.”

E ai ki a Hori Uatuku, pākeke nō Ngāi Tūhoe ka riro te mana o tēnei hui ki te reanga e haere ake nei, kāre ōnā māharahara ka tāea e rātou te kawe i te kaupapa a nga ra kei tua, “Koinei te kai arahi katoa i ngā kaupapa o Tūhoe, kua tū tāua ki te mahi i ngā mahi ki mua i te marea, ki mua i te kāwana, ki mua atu o ētahi atu iwi atu o ētahi tangata, kotahi noa te kōrero a Tūhoe, ā, kua puta katoa ngā mahi.”

He iwi kapi i te ao a Tūhoe.  Engari mo te nuinga ki te hoki mai rātou ki te wā kainga, ka hoki ki Te Hui Ahurei.