Ngā kaupapa: Kapa Haka, Tūhoe

Hui Ahurei o Tūhoe - Behind the scenes

Rahia Timutimu, Taroi Black
  • Waikato/Te Waiariki

Ka tika a muri, ka tika a mua. E hia rau ngā tūao, ā, e hia hoki ngā haora ka pau i a rātou i roto i te rerenga pai o ngā mahi o te Hui Ahurei.

He tangata whai kaupapa.  A neke atu i te toru tekau tau a Rameka Tuhaka e whakapau ana i tōna wā me ana pūkenga ki tōna iwi, i tēnei whakaminenga o Tūhoe.

Hei tā  Rameka Tuhaka, Ngāti Hamua (Hapu), “Ko mātou nā e hiahia ki te whakahaere i ngā mahi mō tō tātou iwi o Tūhoe, mō ngā whānau, ki te taha o te matemateāone. Ko tātou rā tēnei e mahi ana i te mahi.”

He whai hoki i ngā tikanga a tōna kaiako a Tiwi Black. Ia Rātapu i a ia e tekau mā toru tau te pākeke ka waiho mō ēnei momo rangi hei whakaatu i tana tino kaha ki te mahi.

Hei tā Tuhaka, “Ka timata te whai haere te whakaporearea o tātou mātua, kuia, koroua engari ko te mahi i ngā mahi. Ahakoa he tonotono engari e mahi tonu ana i ngā mahi.”

Mō nga kaimahi e whakapau kaha ana mai muri, he whakahaumaru, he manaaki hoki i te hunga rua tekau mano o Tuhoe i konei. 

Hei tā Tuhaka. “Kua mate te pātai haere ki ngā whānau pēnā he pai te whakatū a tātou waka ki runga i a rātou whenua me te tiro ake me kimi tētahi wahi mō te ahurei whakakotahi mai i a tātou. 

Ahakoa te kōrero kua puta kei te neke atu anō ki roto o Te Waimana, a, ki Ruatahuna a he pai tēnā.”