Kaupapa: Waitangi

Hei tā Titewhai Harawira me whakakotahi a Ngāpuhi i raro i te mana o ngā tūpuna

Dean Nathan
  • Te Tai Tokerau

Kia kotahi mai a Ngāpuhi i raro i te mana o ngā tūpuna.  Koinei te wawata, koinei hoki te āki a te ika-ā-whiro rongonui a Titewhai Harawira, i te ekenga o te rā o Waitangi ki te kotahi rau e whitu tekau mā rima tau nō te hainatanga o Te Tiriti o Waitangi i ōna wheinga.

He tirohanga anō tā tētahi o ngā tino o te ao poroteihi ki te ekenga mai o tēnei hīkoi ki runga o Waitangi i tēnei tau.

Koinei te tau tuaiwa kua arahina mai te Pirimia a John Key e tēnei ruruhi o Ngāpuhi ki runga o Waitangi.

Neke atu i rua tekau tau nō tohuatanga a Titewhai e ōna matua mana tēnei kaupapa e arahi. 

Mai i taua wā kua taunga noa atu ia ki te noho hei takawaenga mō ngā Pirimia maha.

Ā, whai anō tana tono ki tana iwi o Ngāpuhi kia kotahi mai i raro i te mana o ngā tūpuna ki te whakatutuki i ngā kaupapa ī tuku iho.

Pirimia mai, ope hīkoi mai, kahore e rerekē ake te tirohanga a te kuia arahi manuhiri ki runga o Waitangi.