Ngā kaupapa: Crime, Prison

Hei tā te Minita Ara Poutama, ko Maungawhau te tino o ngā whare herehere

Heta Gardiner
  • Tāmaki Makaurau

Kua whāngaihia motuhaketia ētahi kōrero nō te hui kōmiti whiriwhiri o te ara poutama ki a Te Kāea, e whakaatu ana i ngā āwangawanga o ētahi, mō te maha rawa o ngā whaiwhai ki roto o te whare herehere o Maungawhau.

Ko te whakahoki o te Minita, ko Maungawhau te whare herehere tino pakari, ki te manaaki mauhere, hurinoa i te motu.

Nō te Pipiri te hui nei, i mua i te whakaputanga o ngā kiriata whawhai ki runga ipurangi.  Nō reira, āe rānei kei te mau ia ki aua kōrero ōna?

I roto tētahi hui, i werohia te Minita mō te maha o ngā whawhai ki te Whare Herehere o Maungawhau.

Hei tā Kelvin Davis, “Mehemea ko tēnei tētahi o ngā whare herehere e tino pakari ana, e āwangawanga ana au mō te āhua o ngā whareherehere puta noa i te motu.”

I puta hoki i te hui kōmiti whiriwhiri, te aro o te matā o te Minita, ki ngā mauhere ake.  E ai ki a Davis, “Kei te raru a Serco, kei te mōhio te minita e raru ana a Serco.”

Ahakoa tana mau pū ki ana kōrero, kei te whakae te minita, he raru pea kei te haere.

Kua tonoa e Reipa tētahi tautohetohe motuhake, ki te whare miere, ki te whakatikatika i ēnei raru.