Hei tā te koromatua o Ahuriri he moumou wā te tono kia whakatōpū i ngā kaunihera o Te Matau-a-Maui

By Aroha Treacher
  • Te Tai Rāwhiti

He moumou moni, he moumou wā hoki te tono kia whakatōpū i ngā kaunihera e rima o Te Matau-a-Māui whānui ki raro i tētahi kaunihera kotahi.

Koia tā Bill Dalton, Koromatua o Ahuriri ao ake i te whakahē a te nuipuku o ngā iwi hau kāinga.

I tēnei wā, kei kō atu i te ono tekau ōrau ngā tāngata kua pōti i tō rātou kāore hiahia kia whakakōtahi ai ngā kaunihera.

I waihanga te hapori o Wairoa i tēnei kiriata mō tā rātou ātete ki te whakakōtahi i ngā kaunihera, he whakaaro e rangona ana i te hapori katoa.

I toko ake te whakaaro i te tau rua mano mā iwa, ā, nō te tau rua mano tekau mā toru ka kōkiritia te tono e te rōpū, A Better Hawke's Bay.

Ahakoa kāore i te whakaae te nuinga i pōti, hei te Rāmere rā anō ka puta ngā kaute whakamutunga.

Tuaritia: