Kaupapa: Education

Hei tā te kaiwhiwhi tohu nui o te Pirimia mā tōna whānau kē tēnei taonga

Lynette Amoroa
  • Te Waipounamu

He pūmātauranga nō te Whare Wānanga o Ōtākou kua whakawhiwhia ki te tohu matua a te Pirimia mō ngā mahi mātauranga kura tuatoru. Nōnapō ka tukuna ki te Ahorangi Tuarua mō ngā mahi hauora ki te wānanga a Suzanne Pitama.

Tekau mā whā tau a ia e kapo ana i te mātauranga, ināianei koinei te hua o āna mahi.

Ko Tākuta Pitama he rata hinengaro tamariki, ā, kua tekau mā waru tau a ia e rangahau ana i te hauora o te Māori.  Engari, ko tana aronga ki ngā tikanga Māori me te whakaaro o te hapori Māori whānui te mea hira o āna mahi.

Hei tāna, ko tōna whānau nō Nuhaka te tino take i whai ia i tēnei huarahi.

Ka tū whakahīhī anō te Whare Wānanga o Ōtākou i te ekenga panuku o ētahi atu o ana kaiako, arā ko Takuta Roslyn Kemp me Ahorangi Rachel Spronken-Smith i whai tohu ki te wāhanga matua.

I tēnei wā e rangahau ana a Suzanne i te mate manawa i roto i ngā whānau me ngā hapori Māori me te rangahau ngātahi i ngā pānga o te mātauranga hauora hei whakatika i ngā rerekētanga i te rāngai hauora.