Hei tā Nāhinara ka whakatika rātou i ngā arawhiti huarahi kotahi i te rohe o Te Taitokerau

Dean Nathan
  • Te Tai Tokerau

Kua tīmata te kōwhiringa motuhake ki te rohe pōti o Northland i te rā nei i muri i te whakapāhotanga a te rōpū Nāhinara kei te whakapau rātou i te ono tekau mā iwa miriona tāra hei whakatika i ngā arawhiti huarahi kotahi i te rohe.

Kei te uiui atu ngā hoariri a Nāhinara i tā rātou whakapaohotanga.

Kahore i tu atu ite Minita Whakapakari Ohanga hei arataki i ngā mahi whakararata kaipōti a te kaitono o Nāhinara.

Ko te kainga tonu o Mark Osborne e titiro iho ana ki te piriti o Taipa, tētahi o ngā piriti ara kotahi o te rohe kātahi nei ka tohua e Nāhinara he whakatikatikatanga mā te kāwana.

Ahakoa wikitōria i tēnei kōwhirnga motuhake kahore rānei e oati ana a Nāhinara kia whakapaua e rātou i te ono tekau mā iwa miriona tāra hei whakatika i ngā piriti arakotahi o tēnei rohe pēnei i tēnei ki Taipa.

He kaimahi mā te kaunihera, e ngākaunui ana a Mark Osborne ki te kōkiri i ngā take e whai painga ai tōna rohe kainga.

Heoi ko te urunga mai o Steven Joyce hei pouarahi ki tēnei rohe e tohu mai ana he tino pakanga kei te haere.