Kaupapa: Entertainment

Hei ēnei rangi whakatā ka eke te kiriata ahurea Māori o Te Wairoa ki tōna huritau tuangahuru

updated Aroha Treacher
  • Te Tai Rāwhiti

Hei ēnei rangi whakatā ka eke te kiriata ahurea Māori o Te Wairoa ki tōna huritau tuangahuru. He mea mīharo rawa ki tēnei tāone pakupaku rawa.

Kāore ko tēnei te whakakitenga Māori o ngā ahurei kiriata, heoi, koinā te mea pai ki ngā kaiwhakahaere.

Nā te aroha noa iho i ora tonu ai tēnei o ngā momo ahurea, nā te ringa raupā o Leo Koziol te pou whakahaere me tōna whānau.

Kua rima ngā tau e haere ana te ahurei nei i Kahungunu Marae ki Nuhaka, nā te whakakapinga o te whare pikitia Gaiety i Te Wairoa.  Heoi, hei ēnei rangi whakatā ka tūwhera anō ngā kuaha.

Hei tā Kitea Tipuna, “He manawa tēnei whare o tēnei taone he manawa mō ngā tāngata mō ngā whānau katoa i roto i Te Wairoa.”

Ko tētahi o ngā mea hōu, ko te mihini oro hōu nō te kamupene, Raving.

I tēnei tau e toru ngā rā ngā kiriata poto e pāpāhō ana, otira, ka pāpāho tētahi kiriata roa, ngā tāonga mai i ngā ringa tohu iwi taketake.