He whawhai i pupū ake ki wāenga i tētahi mapu rangatahi ki Britomart

Te Kāea
  • Tāmaki Makaurau

Ahakoa ngā huarere kino, i muia ai te tangata i te hui Christmas in the Park inapō, ā, ko tā ngā pirihimana kāore he paku raru. Engari i timata ngā raru i muri ake.

E whakaatu ana tēnei kiriata kua huri hāere ki runga i a pukamata nō tētahi wāea harihari, i tētahi whawhai i pahū mai i te teihana tereina o Britomart inapō, ko te marea e tatari ana ki te hoki atu ki te kainga.

I ngana ngā kaimahi o te tereina ki te whakawātea i ngā tama, engari i whiuwhiu haere rātou i ētahi taputapu.

E ai ki te Mana Waka o Tāmaki i te whawhai ngā tama i muri rānō, heoi i aukati e te pirihimana, kātahi i timata anō ki roto ake i te teihana.