He whare pukapuka hōu mō te manomano

  • Tāmaki Makaurau
Takarunga's new library - Photo / file

Kei te wāwāhitia ngā rekoata e tētahi whare pukapuka hōu, nā te tini manomano tāngata kua whakahono atu i roto i ngā marama e toru noa iho.

Neke atu i te rua tekau mā whitu mano tāngata noa iho i tae mai ki te whare pukapuka tawhito o Devonport i tēnei wāhanga o tērā tau, ā, i te tau i mua atu i tērā e whā tekau mā rima mano, engari anei rā Te Pātaka Kōrero o Te Hau Kapua i tūwherahia i te marama o Hui-Tanguru e whakaemi ana i ngā iwi tautoko neke atu i te iwa tekau mā toru mano.

He whare pukapuka rerekē ngā whakahaere, rerekē ngā ture me ngā tikanga, ā, i tua atu i tōna ātaahua, ko te wairua mahana, me te take e tukuna ai te mana ki te tangata i runga i te wairua Māori.