Kaupapa: Prison

He whare Pillars hōu ka tūwhera ki Tāmaki ki te Tonga

Taroi Black
  • Tāmaki Makaurau

A tēnei pō ka tuwhera a Pillars i tā rātou tari hou ki te hapori, me te whāinga ano ki te manaaki i te hunga tamariki a ngā mātua kua mauheretia, me te hiahia ano, kia noho hara kore ai rātou. 

Mo tētahi wā kāre te whetu tārake o te ao mekemeke a Dave 'The Butterbean' Letele i kite i tōna pāpā i a ia e taitamariki ana.

Koia tētahi e whakakanohi ana i a Pillars, ā, ka tūwhera tēnei tari hou hei whakamaru i te hunga tamariki ki Te Tai Tonga o Tāmaki. 

Ko tētahi o aua kaiarataki ko te kaimahi toko i te ora ko Lois Naere, mō ēnei tau e rima kua poipoi ia i ngā whānau me ō rātou uri kua mauheretia. Waru tekau mā whitu orau o te hunga tamariki kua uru ki te maru o tēnei tari i te Taitonga o Tāmaki, he Māori. 

E hiahia ana tēnei rōpū mana koha ki te awhi i te hunga kei te rarangi tatari e noho ana, ā, kei te piki hāere ngā nama mo te hunga tamariki he mauhere o rātou. O ngā tamatāne rua tekau mā tahi, tekau mā waru o rātou he Māori.

Tokotoru anake ngā kaimahi i roto o Te Tai Tonga o Tāmaki. Heoi ano ko te whāinga a tēnei tari hou, kia nui ake te rōpū i roto i ngā tau e rima.