Kaupapa: Education

He whare hōu kua whakatuwherahia e Te Wharekura o Puau Te Moananui-a-Kiwa

Heeni Brown
  • Tāmaki Makaurau

Kua kitea ngā raruraru nui ki te hapori o Ruapotaka i tēnei tau, ko te kaupapa matua ko te nuku atu i ngā whare kawanatanga ki wāhi kē. Heoi nō te rangi nei tūwhera ai ngā whare hou ki Te Wharekura o Puau Te Moana nui a Kiwa hei hiki i te wairua o te takiwā.

Hei tā Katene Paenga, “I timata tēnei ra he rua tekau ma tahi tau ki mua ra, kāti ra ka mihi atu ki ngā whānau o tēra wa, to rātou kaha ki te whawhai ki te pakanga, a, kia whai kikokiko i te ra whakatuwheratanga nei."

I te wa nei, e meatia ana a Katene Paenga kei te takiwa o te kotahi rau e rua tekau ngā whānau o te kura o Puuau, a, he tata ki te kotahi rau wha tekau ma rima ngā akonga atu i te reanga pipi paopao tae atu ki te wharekura, ā, ko te tumanako ka tokomaha ake ngā akonga a tōna wā.

Hei tā Mita Paenga, “Mōku ake a te wa ara ra ka whakakiingia ngā akomanga katoa ki te kahui tauira a taua wa, ana ka rua rau waru tekau te maha o ngā tauira.”

Kāhore e kore, he oranga roa to te kura o Puau Te Moananui a Kiwa.