He Whare Hauora hōu kua whakatuwherahia hei pāinga mo te hapori o Kawerau

Mere McLean
  • Waikato/Te Waiariki

Ko ngā kaupapa hauora te pūtake o te whakatuwheratanga o te Whare Hauora o Kawerau.  He whakahuinga tēnei i kitea ai te Minita Take Hauora a Tony Ryall me te tino tuatangata o Aotearoa, ko Tākuta Lance O'Sullivan.

He whārangi hou tēnei ki roto i ngā kōrero hitori mo Kawerau, ka whai wāhi tēnei whare te waha i tētahi huarahi hou mo ngā whānau o Kawerau ki te hauora. 

Ko tā Takuta Lance O'Sullivan o Te Rarawa me Ngāpuhi,“He rā tino pai tēnei māna mo tōna whānau a Emily mā. Mo tātau katoa.”

He nui tonu ngā whānau Māori e noho ana ki roto o Kawerau, na konā te hiahia kia tū ai te Whare Hauora hei hāpai i ngā kaupapa hauora o taua wāhi.

He whare takuta ano kei Kawerau, tokoono ngā tākuta e mahi ana ki reira, engari mo te hunga o konei, tata ki te rua wiki e tatari ana kia wātea mai tētahi tākuta, e whakapāetia ana na te whakatūtanga o te Whare Hauora hōu, ka mahea ake ngā uauatanga.

E mihi kau atu ana a Takuta Lance O’Sullivan ki ngā kaiwhakarite o tēnei kaupapa heoi, ko tāna ano ehara i te huarahi māmā noaiho kei mua i te aroaro. “Kia kaha, he tino nui ngā piki me ngā heke i ngā rā ka heke mai, mai to tātau whanau, ara, ko ngā mate maha kei runga i a rātou i tēnei wā, he tino uaua tērā mo ngā rata Māori.”