He whakawhiunga roa mā Maheno

Dean Nathan
  • Te Tai Tokerau

He tekau mā waru tau ki te whare herehere, kātahi ka āhei a Edwin Maheno ki te tono atu kia puta i raro i ngā tikanga tuku here.  Koinei te whakawhiu a Te Kōti Teitei i te rā nei mō te iramutu, nāna nei ōna mātua kēkē a Ivan rāua ko Carmen Maheno i pupuhi kia mate i Pāmapuria i te marama o Haratua.

Kei ētahi o te whānau e mea ana he roa rawa te whakawhiu a te Kōti kei ētahi anō horekau i tino roa.

Ko ngā kōrero a te whānau pani te aronui o te rā ka riro hoki mā ngā mātua ngā kōrero a ngā tama o Ivan rāua ko Carmen Maheno e pānui.

I kii ai te kōti, ko te kōhurutanga o te tokorua nei i te marama o Mei, anō nei he mahi whakamate nā te tautohe kua roa kē e tupu ana ki waenganui i a Edwin Maheno me ōna mātua mō ngā whakahaere o te papakāinga a te whānau Maheno ki runga o Puke Hāpai.  Nā ko te matenga whakawhiriwhiri o te tokorua nei te mutunga ake.

Nō te rā nei kua tata atu te whānau pani ki te kapinga o tēnei take.