He whakawhiunga poto mā Charlie Ngapera

Aroha Treacher
  • Te Tai Rāwhiti

E rua ngā tau, e whitu ngā marama te whiu a te ture mā Charlie Ngapera, he toru tekau mā rua ōna tau, mō ōna hara, ko ētahi ko te kahaki tamariki, patu tangata me te taraiwa waka pokerenoa.

I te Hereturekōkā o tēnei tau, i whakawehi ia i tōna hoa o taua wā me tana maripi, ka whakarere atu tōna hoa, ko tā rāua tamaiti i roto tonu i te whare.

Nā kona, i tutū ai te puehu, i aruaru ngā pirihimana i a ia, i tuki atu ia ki ngā wāhi huarākau, kātahi i whakarerea e ia tōna motokā i Whakatū.

Mō te katoa o taua wā kāore tana tamaiti i whakamau tika.

Ki tā te kaiwhakawā, mōrikarika rawa atu āna mahi, āpiti atu i tau anō te here, te taea e ia te taraiwa waka mō ngā marama tekau mā rua.