Kaupapa: Environment

He whakawhānui ake i te taupori kiwi te whāinga nui o te rōpū Kaitiaki Kiwi

Dean Nathan
  • Te Tai Tokerau

Kia whakawhānui ake i te taupori kiwi i te ngahere o Waipoua.  Koinei te kaupapa a te rōpū Kaitiaki Kiwi, he rōpū mahitahi nā te iwi o Te Roroa me te hapori whānui kia whakarahi mai anō i ngā kiwi o te wao, kia rite ki ngā wā ō-mua. 

He tuatahitanga mō ētahi o ēnei tamariki kia kitea-a-kanohi i tētahi kiwi i te tōna ake kāinga.  Ā, e ngākaunui ana te iwi o Te Roroa ki te poipoi i o rātou anō uri kia matanga ki ēnei momo mahi.

Hei tā Heeni Matiu mō Kaitiaki Kiwi, “He mahi kiwi he mahi manaaki hei āwhina ngā manu i ngā wā katoa me te whakaako i ngā tamariki ka haere mai.”

E tekau mā tahi tau anake te roa o te oranga o te kiwi i tēnei wā.  Engari e mōhiotia ana, inā tutuki ngā wawata o Kaitiaki Kiwi kia whakangaro atu ngā wīhara, ngā tori, ngā poaka me ngā mōkai kurī i te waru mano heketea o te ngahere ka piki ake ano te orangaroa o te kiwi ki te rima tekau tau.