He whakatikatika i te hītori a tauiwi te mahi a ngā hapū o Whangarei

Dean Nathan
  • Te Tai Tokerau

He whakatikatika i ngā pukapuka hītori a tauiwi.  Koinei te aronga o ngā kōrero a ētahi o ngā hapū o Whangarei Terenga Paraoa ki te aroaro o te Taraipiunara o Waitangi i te rā nei.

E mea ana ēnei uri, he pērā pū te āhuatanga i pā ki tō rātou tupuna a Wiremu Pohe, koia te rangatira o Whangarei i tōna wā.

Ko "Te Matau a Pohe" te ingoa kua tapa ki te arawhiti hōu i te wahapū o Whangarei, engari kei te pōuri ngā uri ki ngā kōrero hītori a tauiwi mōna kei te whakapōhēhē tonu i te katoa.