Kaupapa: Treaty Settlements

He whakataunga kereme e āta whakaarohia e ngā uri o Te Rangihouhiri

  • Waikato/Te Waiariki

He toru tekau miriona tāra te wāriu o te kōpaki whakataunga ka riro pea i ngā uri o Te Rangihouhiri. I te wiki kua hipa, i huri haere ētahi māngai o te iwi o Ngāi Te Rangi ki ngā taone puta noa i te motu ki te whakamōhio atu i ana uri marara ki ngā whakanekeneke mö te whakatau i tā rātou kereme tiriti.

Kei tawhiti atu i te papakainga o Tauranga Moana, heoi kei kōtata noa te rārangi mutunga mō tā rātou whakataunga kerēme.

E ai ki a Hauata Palmer, ko te tutakitaki ki ngā uri o Ngāi Te Rangi te kaupapa matua i tenei wiki, kia whai mohiotanga ratou mo to ratou whakataunga tiriti.

Ko ētahi o ngā whenua o Ngāi Te Rangi i raupatuhia e te Karauna i ngā tau kotahi mano e waru rau. Mai i taua wa ka noho tata whenua kore, reo kore hoki te iwi rā. Inaianei ko te patai ki aua uri, mēnā e whakaae, whakahe ana ranei rātou ki te whakatau, he toru tekau miriona tāra te wāriu.

Pera i etahi atu iwi e whakatau ana i ngā kereme, puta noa i te motu, kāre tenei haerenga i te ngawari noa mo Ngāi Te Rangi. E ai ki Charlie Tawhiao, hei te mutunga o te ra, ka puta ratou i te marangamatanga, kia anga whakamua.

Hei te rua tekau ma rua o Whiringa a Nuku ka katia te wa pooti, a ka puta te whakatau mena ka whakaae, whakahe ranei hei te rua tekau ma wha o taua marama.