He whakatau a tihi hōu mō te whare taonga ki Ahuriri

Aroha Treacher
  • Te Tai Rāwhiti

E whakarewahia ana e te whare taonga MTG o Te Matau a Māui ki Ahuriri he whakatau-a-tihi, he whakatau e whakaatuhia ana i te rauata nui rawa. 

Mā te pehi o te pātene e pāpāho ai te whakatau māori i te rauata nui nei.

"Kua whakahoungia te waahi nei, he whakaahua a-tihi, he powhiri ki te rāhiri mai i ngā manuhiri, he wairua matakuikui i kōnei," tā Rose Mohi, Ngāti Kahungunu.

"Kāore tēnei i te pōhiri tūturu mō ngā manuhiri, he whakamārama noa iho i te ao māori," tā Michell Lee, kaitiaki taonga māori MTG.

He mea whakangahau o te kapa Kahurangi Dance Theatre me te kaiako mau rākau a Rakei Ngaia.

"He rawe ki te kite i te hononga o te ao hōu ki ngā tāonga o nehe rā nō reira ae, he kounga tō ngā mea o te ao a tihi me te kounga hoki o rātou mā o nehe rā nō reira he pai ki te kite i aua mea e rua," tā Rakei Ngaia, Pou ono o Te Whare Tū Tauā o Aotearoa.

He whakaaturanga tēnei e whakamārama ana i ngā wahanga o te whakatau manuhiri, ara te pukaia me te pūtatara, te wero, te karanga me te waiata tautoko.

He wheakotanga tuatahi o te ao māori mō te nuinga o te hunga tāpoi, ahakoa he wheako-a-tihi nei, pērā ki a Yvonna rāua ko Ben nō Ahitereiria.

"Kāore anō au kia kite i ngā tūāhuatanga pērā, he mea tino pai," tā Ben.

"He mea pai tēnei, nātemea, he rauata a tihi nei mō te hunga katoa ki te kite, mō ngā tāngata pēnei i au he tawhiti rawa te haere ki ngā pito kainga o Aotearoa ki te rongo i te wairua o te pohiri," tā Yvonne.

Koinei ngā tāonga hōu kua whakatō ki te whakaaturanga Māori Tēnei Tonu i te whare tāonga nei.