Kaupapa: Health

He whakatairanga i te mate onga te hiahia a tētahi whānau Māori

Dean Nathan
  • Te Tai Tokerau

He tekau tau te pakeke o Drew Perham, ā, e tīmata ana te ngau o tētahi mate onge ki tōna tīnana.  Nā reira e tahuri atu ana tōna whānau whānui ki tētahi kaupapa e whānui ai ngā mōhiotanga ki tēnei mate, e kīa nei, ko te Neurofibromatosis.

Koia te whetū o te ataata nā te whānau i tuku ki a YouTube e tupu ai ngā mōhiotanga o te iwi ki te mate Neurofibromatosis, he mate me uaua ka kitea.

He nuinga rā, ko Drew he kaha nōna ki te korikori engari he rā anō ka rongo tōna tīnana i te ngau kino o ngā whaturama e tupu nei ki runga i ngā akaaka o te tīnana.

He kotahi tangata i te toru mano ka pangia e tēnei mate.  Ki tēnei kāinga o Panguru kua kotahi mai te hapori katoa ki te akiaki i te kaupapa e kitea ai he rongoā hei oranga mō tā rātou nei mokopuna.

Kei te rapu tonu i te rongoā mō tēnei mate me te tūmanako mā tēnei ataata e whānui ai ngā mōhiotanga.