He whakataetae puoro kua whakarewahia ma te hunga rangatahi

Mere McLean
  • Waikato/Te Waiariki

Hei whakaara i te wairua o tōna tipuna, o Patuone, kua whakarewahia e tāna uri, e Yvette Lamare tētahi whakataetae puoro mā ngā tauira kei ngā kura tuarua o te rohe o Te Waiariki, hei whakanui i o rātou pūkenga puoro.

Hei tā Yvette, “Rua mano taara mō te tunga tuatahi, kotahi mano taara mō te tunga tuarua, rima rau taara mō te tunga tuatoru, me ētahi atu whakataetae.”

Kua roa a Yvette Lamare e tuhi rotarota ana e hangai ana ki te hunga rangatahi kua mate na runga i te waipiro me te tarutaru.

"Ko taku hiahia ki te whakaiti iho i ngā aituā taraiwa haurangi, taraiwa tarutaru ranei, na te mea koinei ngā kino i pā ki tōku whānau."

Hei whakauru i te whakataetae nei me kimi i te wharangi pukamata o Yvette Lamare, ka tuwhera te whakataetae hei te tuatahi o Paengawhawha.