Kaupapa: Entertainment

He whakarākei hōu e korowai nei i te tuanui o te wharekai i te Marae o Omahu

Aroha Treacher
  • Te Tai Rāwhiti

He ringatoi Māori rongonui I te ao a George Nuku kua hoki mai I Wiwi ki tōna tūrangawaewae ki te marae o Omahu i te Matau a Māui, ā, hei tuatahitanga ki tētahi marae, kua whakanikonikohia e ia te tuanui o tōna wharekai o Ruatapuwahine ki ētahi whakairo kōmāmā.

E rima wiki kua hipa, e hia hoki ngā pō moe kore, engari nā pango, nā whero i ea ai te āwhero o George Nuku, kua waihangatia te korowai kōmāmā o Ruatapuwahine.

I roto I ngā tau e whitu kua hori kua mahi ngātahi ia me ētahi o ngā whare taonga taiea o tea o, engari he kaupapa tēnei kua titi ki tōna ngākau,ā, hei tāna kāre hoki he mahi toi āna i tua atu.

Kua roa ngā raruraru orooro e pā kino ana ki te wharekai nei, nō reira, ehara tēnei I te mea rerehua noa iho, he mea hoki hei rongoā I ngā raruraru. He iti noa iho hoki te utu.

Hēoi, ehara tēnei I te otinga o ngā moemoeā ō George. Ko tāna whai, he whakanikoniko hoki I ngā pātū o tēnei wharekai ā tōna wā.