Ngā kaupapa: Arts, Te Arawa

He whakaputanga hau tipuna nō Te Arawa na te kaitoi o Te Arawa a Chaz Mikaere

Mere McLean
  • Waikato/Te Waiariki

Kua whakarewa tētahi ringa-toi nō Te Arawa i ētahi mahinga toi, ā pukapuka nei e whakarite ana i te kaihaka o ēnei rā ki te tipua. Kua rima tau a Chanz Mikaere e whakarite ana i tēnei kaupapa, e tohu ana hoki i te hunga kai haka nō Te Arawa e ai anō ki te āhua o to rātou tipuna.

Koinei te whakaputanga tuatahi e whakanui ana i ngā hau-tipua o Te Arawa, hei whakatairanga hoki i te whakatipuranga hōu. Ki tā Chaz Mikaere, kaitoi “me whakaatu ki o tātau tamariki i ngā tauira kei waenga i a tātau. Hei aha te tiro atu ki a tauira kei raro i a Marvel mo te āhua o te Māori onaianei, te tū a te rangatira me ngā uauatanga hoki!” He pukapuka e whakaatu ana i ngā kaihaka wahine tokowaru nō Te Arawa e whakapapa ana ki tō rātou hau-tipua.

He pukapuka e hokona nei ki raro i te whārangi ipurangi o Onekura mā pukamata. “Ēnei wāhine katoa he hūmarie, kāre i te hiahiatia ka korero au ki a rātou ka kite ake he rauime tēnei mo te kura, ā, e hono nei te ao tawhito me te ao hōu”. Ko tā Mikaere kia kawe atu te kaupapa nei ki roto i ngā kura ki Rotorua hei te marama e tū mai nei, heoi e koke whakamua tonu ngā mahi whakawhanake mo tēnei kaupapa.