Kaupapa: Education

He whakapakari i te hononga te mahi a TWoA me Te Ope Pirihimana o Aotearoa

  • Tāmaki Makaurau

Ko ngā hapori whānui me ngā iwi whānui ka whai hua mai i tētahi kawenata i waenga i Te Wānanga o Aotearoa me te Manatū Pirihimana, hei whakarahi ake i ngā Pirihimana Iwi Taketake, hei hiki i te taha ki ngā reo me ngā tikanga o tēnā iwi, o tēnā iwi.

Kotahi rau neke atu ngā pirihimana, rangatira mai, tauira mai i whakarauika atu ki Te Wānanga o Aotearoa (TWoA) i Māngere nā runga i te karanga a te kaupapa ako e kiia nei ko Taumata Raukura Tiwhikete Whakapakari Mahi Pirihimana - Reanga Tuawhā.

Hei tā te Tai Urungi o te wānanga nei, tā Jim Mather, "Te kaupapa nunui mō tēnei hōtaka ki te tautoko ngā rangatahi ki te tino hiahia kia haere ki ngā pirihimana o Aotearoa."

E ai ki te Komihana Pirihimana a Mike Bush, kua rangatira te hononga ki waenganui i a rātou me te wānanga mō ngā tau e ono kua pahure.  He tokomaha hoki ngā tauira kua whāngaia ki te Ope Pirihimana.  Kua tae te wā kia eke ki taumata kē.

Ko tā Hurimoana Dennis kōrero, te māngai take Māori o ngā Pirihimana, "He tino rawa ngā kanohi Māori e hīkoikoi ana i waenganui i te iwi whānui, ko tēnei he mahi he kaupapa nui ake mō te mahi whakaurunga o tā tātou nei āpiha Māori, Moananui-a-Kiwa, me ngā tāngata Āhia."

He hainatanga tuarua tēnei o te kawenata whakaako Pirihimana kia noho māro tonu ai tēnei kaupapa i raro i te whakaaro kotahi, i raro i te mahitahi kia hua ko ngā painga mō ngā iwi katoa.

Hei tā Mather, "Tētahi hua nunui, he piki ake i te nama o ngā Pirihimana Māori me ngā Pirihimana taketake o te ao."

Hei tā Dennis, "Ngā mahi ākonga mō a tātou nei āpiha pirihimana, arā ngā tikanga, ngā tiriti, otirā ngā mahi tahi i roto i te iwi whānui, te wānanga me te pirihimana."

O ngā āpiha pirihimana 12,000 o Aotearoa, tua atu i te 11% he Māori, e 4% he iwi Moutere, e 3% he iwi Āhia arā atu rānei, engari he ōrite te whāinga, arā kia takahia ngā tatauranga mahi kikino o tēnei whenua.