He whakapae tūkino kua whiua ki nga Pirihimana

  • Tāmaki Makaurau

Ko te whakapae ko atu i te kotahi rau ngā rangatahi i tae ki taua pāti.

Ko te kitenga o āna niho ki roto i tētahi pēke te whakahokinga mahara mō Ella Eketone ki ngä mahi tinihanga i ngā rangi whakatā. Huhua ana ngā pirihimana me tētahi waka topatopa i tae atu ki tētahi pāti i aia e ngana ki te puta i taua pāti.

Ko tā te māmā o Ella kua rerekē katoa te ahua o tana kotiro nā aua ahuatanga e noho mataku, wiriwiri hoki ia.

I whāki mai a Ella i te inu waipiro ia engari ko tana whakapae ano kāore ia i te haurangi, ki täna i whakāe ia ki ngā tono katoa a ngä Pirihimana. Ko tāna i tenei wā e kore ia e taea te ngote kai, te inu hoki.

Ko Marie Cook te kaihautu o taua pāti hei whakanui i te huritau tekau mä waru o tana tamāhine. E whakapono ana ia i te tau kā te pāti. Hēoi nō te taenga mai a ngā Pirihimana ka huri kē. Ki tāna hoki kihai rātou te waipiro i tohatoha ki ngä kaimerimeri.

Ko tā Cook, kei te tiro tītaha te motu ki ā ia me tōna whanau na te putanga o tenei ahuatanga. E whakatewhatehia ana te take nei e te Uepū Whanonga Pirihimana, i hui tahi ngā pirihimana ki te whānau Eketone i te rä nei.

Ko tā Eketone, kua tae te wā kia whakarerekēhia ngā Pirihimana i ā rātou mahi kia kore ai tētahi ahuatanga pēnei e puta ano. Nākona kua purangiaho te whakāro o Nicola Eketone ki tana tamahine, me tona inu waipiro.

Ki tā ngā Pirihimana kāore he take i tua atu i tēnei, engari kāore anō rātou kia möhio ko wai te pirihimana e whakapāetia ana i hara.

Kairīpoata: Aroha Treacher.