He whakamaumaharatanga mo te pakanga o Pukehinahina

Wepiha Te Kanawa
  • Waikato/Te Waiariki

Kua timata kē ngā whakaritenga mo te maumaraharatanga o te pakanga o Pukehinahina ki Tauranga Moana he kotahi rau rima tekau tau ki muri.

Tae tae mai a Tauranga Moana ki te tautoko i te kaupapa Tāne mai, wahine mai, tamariki mai hoki, me te tumanako e kore rawa te tangata e wareware ki tēnei o ngā whakanui.

I titongia he haka peruperu mo te rā maumahara, e pā ana ki ngā hitori me ngā hiranga o te pakanga o Pukehinahina.

Hei tā Awanui Black, “He whakangungu I ngā kairakau, I ngā toa, he whakangungu i a rātou ki ngā rakau o te riri, ki ngā rakau a Tu, ko te hunga ka kowhiria ki roto i te mātatorutanga kia puta, ka puta ngā ihu a ko rātou hei matakaiputu, hei rakaukawa mo te moana.”

Iti ake i te whā tekau mā waru haora ka karamuimui te tini me te mano ki Pūkehinahina kia hoki mahara ki a rātou mā i whawhai he kotahi rau rima tekau tau ki muri, heoi he whakariterite te mahi a Ngaiterangi, Ngāti Ranginui me Ngāti Pukenga mō te rangi whakahirahira a te rātū.