Kaupapa: Entertainment

He whakakotahi i te Opera me te RocknRoll i te Tai Tokerau

Dean Nathan
  • Te Tai Tokerau

He rua tekau ma waru mano tārā te rahi o te pūtea kua kohia hei whakapaipai i tētahi marae i Te Taitokerau. I karangahia e Whakapaumahara marae i ngā whetu o te pō ko te roopu Māori Volcanics me te kaiwaiata Opera a Kawiti Waetford. 

He mahuri totara o Ngapuhi kua ara mai ano ki te hapai i tana rahi. 

Ko tā Kawiti Waiata, "Kua roa tenei kaupapa he mea whakaturia ana na te marae tonu na te hapu tonu na te whanau tonu i whakatairanga na ko te hua ko te po nei.  E putaputa mai ana te katoatanga o te iwi muia katoa pahupahu ana nga wharuarua o te whare nei i te aroha."

He tuatahitanga hoki ma te kaiwaiata a Mahora Peters o Maori Volcanics hei whakangahau i te iwi o te wā kainga.

Hei tā Mahora Peters (Maori Volcanics), neke atu i te 280 ngā tāngata i karahuihui mai mō te konohete.  Hei tāna anō, he haurua pea o ngā kaitautoko he whanaunga ki a rāua ko Bill.

Ko tā Kath Caldwell, Te Whānau Whero, he mīharo ki te kite i te marea e waiata Opera ana.

Ko Whananaki tetahi o nga hapori e rima o te motu kia tohu ki raro i te kaupapa nui a te Tari Taiwhenua ma te iwi hoki e arahi i te whakawhanaketanga mai o tenei kainga.  Na kei te manawa tonu o te kaupapa ko te marae o Whakapaumahara.

Hei tā Waiata, "Me hokihoki katoa mai te iwi nga whanau nga hapu ki te wa kainga hei aha pupuri tonu i te mauri o te ahikaa.  Na koia tenei matou e mahi nei i Whananaki ki Te Whakapaumahara.  Na koia kua takoto te manuka ma wa tatou marae ano o ratou whanau o ratou marae e pupuri."

Taihoa ake nei ko te tuarua o enei kaupapa ngahau ma te hunga rangatahi.