He whakakotahi i ngā reanga whānau te mahi ki te Mangamuka Pig Hunt

  • Te Tai Tokerau

Ko te aru poaka te mahi engari ko te whakakotahi i ngā uri o taua rohe tonu te pūtake o te huinga Mangamuka Pig Hunt i tū ki Mangamuka tonu, ina tata nei.

Ka renarenatia te taukāea o te whanaungatanga i ngā whānau, tamariki mai, pakeke mai, e whai ana i tētahi o ngā mahi a te iwi kua roa nei e haere ana i te takiwā. 

He aru poaka, he hī tuna, he hākinakina, he kēmu whakakoakoa. Koinei katoa ngā mahi i kitea i te hui Mangamuka Pig Hunt, ka tū ia tau, ia tau.
 
He wā e taea ai e ngā whanaunga te tūtakitaki anō, te tūtaki rānei mō te wā tuatahi.
 
Kāti, ko te aru poaka te tino o ngā kitenga whakamīharo i tēnei hui.
 
He 64 kiro karamu te taumaha o te poaka i arua e te toa o te taha whakataetae, me te mea nei, he mārakerake tonu te ara i whāia e ia.
 
Ko te hī tuna anō tērā ka whai wāhi ki te whakataetae, ohorere pai te kuia o Wiremu Hanson e iwa tekau tau te pakeke, inā te nui me te momona o tēnei tuna e 22 pauna.
 
Heoi ko te matua tonu, ko te paihere i ngā whanaunga i runga tonu i te mōhio, he taiao e tere riro haere ana tēnei, me whakaatu atu ki ngā uri whakaheke ka tika.