Kaupapa: Health

He whakakahore i te hokotanga atu o ngā tarutaru whakapōauau te manako a te Kāwanatanga

  • Tāmaki Makaurau

Nō nanahi ka puta te karere i te Minita Take Hauora Tuarua, a Peter Dunne e mea ana, a te wā ka hoki a mahi mai te Whare Pāremata, ka uru horo hoki atu tētahi ture hōu kia whakakahore i te hokonga atu o ngā tarutaru whakapōauau. 

I āminehia te whakataunga ko te uru horo mai tētahi ture a ngā wiki e rua, e aukati ana i te hokonga atu o ngā momo tarutaru whakapōauau wha tekau mā tahi, e te heamana tuarua o te Poari Hapori o Manurewa.

Hoino hei tā tētahi o te hunga momi tarutaru whakapōauau, kahore e kore, ka rewa mai anō tētahi huarahi e taea te whāngai i ngā whakapōauau ki te hunga e wawata ana.

Hei ta Rangi McClean o Te Tarahiti Tuku Raihana o Wiri, he tohu tēnei e whakarongo ana te Kāwanatanga ki ngā nawe o te iwi, me te kite hoki i ngā porotēhi ki ngā whakapōauau kua kitea ki ngā tōpito o te motu, o Tāmaki hoki, tae rawa mai ki Manurewa i ngā marama kua hori.

Hei tā Peter Dunne, Minita Take Hauora tuarua, ahakoa kua to kē ētahi o ngā tarutaru whakapōauau mai i ngā toa hokohoko, te nui hoki o ngā toa hokohoko whakapāauau arā tonu ngā rīpoata hua kino e puta ake ana.

Ko te āhua nei, kua tōmuri te putanga mai o te Kaupapa Whakapōauau a Reipa, e ahua rite ana ki tērā e wawatatia ana e Dunne, hoino ko te rerekētanga kia kaua e aromatawai i ngā hua kino a ngā whakapōauau ki ngā kararehe.

Ka uru horo mai me te whakamana i ngā rerekētanga ki te ture Psychoactive Substances a te tuawaru o Haratua.