He whakaheke tatauranga mauhere Māori

Leah Te Whata
  • Tāmaki Makaurau

Kātahi ra te putanga nunui o ngā āpiha hōu ki te rohe o Tāmaki, ko ngā pirihimana e whitu tekau mā waru kātahi anō nei, ka puta te ihu. Ko te uri o Tauranga Moana, ko Wepiha Te Kanawa tētahi, e arotahi ana ki te whakaheke i ngā tatauranga mauhere Māori.

Ara mai te kātipa hou, e aro pū ana ki te whakaheke i ngā tatauranga mauhere Māori.

Ko tā Kātipa Wepiha Te Kanawa, "Ko ngā kare ā-roto ka puta i te wā ka kite i ngā tatauranga o te hunga Māori i roto i ngā whare herehere, he pōuri. Nā, koinei au e tū hei pirihimana i tēnei wā ki te āwhina i te iwi Māori, heoi anō ki te āwhina i a Aotearoa whānui."

I te tau kua hori, he tekau mano kotahi rau ngā mauhere, ā, neke atu i te haurua o rātou he Māori. E whakatika ana ngā Pirihimana o Aotearoa kia heke tērā tatauranga mā te rua tekau mā rima ōrau.

E ai ki a Āpiha Spencer Matthews nō Te Ope Pirihimana ki Manukau, "That 25% in Māori offending we are really relying on new and innovative ways to address that. We can't keep doing what we've done in the past because if we do we'll keep on ending up with the same result which is not what we want to achieve."

Hui katoa, e iwa ngā reo kei tēnei rōpū, ā, ko te whāinga ia, ko te whakatauira i te kanorau o ō rātou hapori.

Ko tā Kātipa Apii Nicholls Pualau, "If they see us in a blue uniform it's just to think of us as, we have the same lives as they do, we go through the same things as well but it's just trying to get that out there cause we are trying to keep everyone safe."

E ai ki a Te Kanawa, "Ko taku tino hiahia kia puta ai ngā tiriti ka kite te iwi i ahau me te whakaaro ehara a pirihimana mā e kino, ehara noaiho he pākeha, he Māori hoki. Kia tū anō ahau hei komihana Māori tuatahi."

Inaianei, ko te ārai, kaua ko te ūruhi, te arotahi - kia aukati ai te hekenga o ngāi Māori ki te tīpokapoka o te ture.