Ngā kaupapa: Education, Te Reo Māori

He whakaako hou hei whakatere ake ngā akonga reo rua

  • Tāmaki Makaurau

E ai ki ētahi rangahau hou i Te Whare Wānanga o Tāmaki ka tino waia ngā tauira i Te Kura Kaupapa ki te reo māori me te reo pākeha mena ka uru te reo pākeha ki a rātou akoranga māori i te kura. Na Tākuta Sophie Tauwehe Tamati aua rangahau i wahā.

Ko Transaquisition te huarahi whakaako hōu hei whakatere ake i te whanaketanga reo Ingarihi ki ngā tamariki reorua.

E ai ki a Tamati, “He taunaki e pā ana ki wā tātou tamariki o roto i wō tātou kura kaupapa e tohu mai ana ki te ao. Ko tēnei hōtaka, ko wēnei a tātou tamariki o ngā tau tua whitu me te tau tua waru ka taea. Ka taea te ako i tētahi atu reo. I tēnei wā ko te reo Ingarihi tere ake ki ērā o wā rātou hoa reo Ingarihi.”

E ai ki tōna ariā, hei aha te tīmata ki te whāngai i te reo Ingarihi ki ngā ākonga kura kaupapa Māori kei te wharekura, me tīmata kē i a rātou i ngā tau tekau mā tahi, me te tekau mā rua.

“He pōhēhētanga nō te nuinga akene pea ka tere huri te tokomaha o ngā tamariki i roto i ō tātou kura kaupapa ki te kōrero i te reo ingarihi. Ko au anō.”

Nā tākuta Tamati tana huarahi whakaako hōu i whakahaere i ngā kura kaupapa Māori e rua ki ngā tauira rua tekau mā whā, tau tua whitu, tua waru anō hoki mō ngā wiki e waru.

“He rite te tipuranga o te rākau kahikatea ki ērā te tipuranga ki ngā reo i roto i te roro o te tangata. Mehemea ka tipu te rākau o te kahikatea ko tāna mahi te toro atu ki ngā wāna pakiaka ki tētahi atu hei āwhi ki tērā te kahikatea tuarua, tuatoru, tuaaha rānei ki te tupu anō.”

E ai ki te rangahau ka whakapai ake te mātauranga Ingarihi a ngā tauira kura kaupapa Māori i tōna ono rau paiheneti tere ake i ngā tauira i tētehi kura auraki whai rawa.

Ko te huarahi whakaako hōu nāna nei i rangahau mō tana tuhinga whakapae mō te tohu kairangi, ka perehitia hei rauemi mā ngā kaiako i Aotearoa i tāwāhi anō hoki.