He wero tā Sharples mo nga mema Māori o Reipa

  • Te Whanganui-ā-Tara

I puta te whakataki a Te Minita Take Māori i roto i tana kauhau ā motu, kia āta whakārohia kei riro ngā tūru Māori i tētahi Kāhui Kaupapa Pākeha.

Heoi ko te whakautu a te Mema Māori o Reipa a Shane Jones, “ tēna korero i puta i a Pita, he whakatutua i a mātou ko Parekura mā, he pōhehe nōna kare o mātou reo e whai ngoi ana”.

Kī pai ana te rūma i ngā mana nui o te aō Māori mo tana kauhau ā motu, engari hei tā Shane Jones, kihai te pōhiri i tukuna atu ki a ia.

Hei tāna “te wā i a mātou ko Parekura mā ko ngā kaitōrangapū Māori katoa, i ngarea kia hāere ki ngā hui pēnei nā te mea kaua e pōhauhau te whakāro a ko te Pāti Māori anahenahe e waha ana i nga moemoea a te iwi Māori.

Ko te tū Māori mai, me te mahi tahi ētahi o ngā kupu korero i kauhautia ē te Minita, heoi ano he rerekē ano tera titiro a Sharples mō ngā Mema o te Whare o ngā raiona.

Ko tā te Minita “he pakanga, he pakanga uaua tera mahi, nā te mea he rerekē tēna whare, kā hāere ki reira ki te pakanga.” Heoi e mōrikarika ana a Jones ki te Minita mo tana kore aronga ki te tuku pohiri ke ēra atu o ngā mema paremata e pakanga ana mo te mana o ngai Māori.

Heoi ano i rongo tonu te wairua whakakotahi ki ā ngai Māori i te māngai a te Minita Take Māori.

Ko tā Sharples kare i te tika kia whawhai te Māori kia Māori ano ko tāna waiho aua mahi nā te rerekē o ngā tangata katoa me ngā rōpu katoa.

Hāunga anō ngā wero porotiki a Sharples ki ōna hoariri o te Whare Miere, i rere atu ngā mihi o te aō Māori mo ana tuamankotanga katoa.

Ko tā Glennis Phillip Barbra te tumu whakarae o Te Taura Whiri i te Reo Māori i te mihi atu i a ki te Minita i te pai hoki ōna wawata nui nā te mea ki tāna he ōrite katoa ngā hiahia ā te nuinga o ngai Māori ahakoa he rerekē te tū a ētahi.

Ko tā te heamana o te Rūnaganga o Ngāpuhi a Sonny Tau, “ka nui rawa ngā Pakeha me ngā Āhia me ngā Inia inaiatonunei  i a tātou e noho ana ki ō tātou whenua, me mahi tahi ai te aō Māori ka anaga whakamua, inā kore mahi tahi, ka wehewehe, ka hinga.”

Kā mutu mā te wā, e kite, ka pehea nei, te whakatinanatanga o te Tū Māori mai, me te mahi tahi hoki mō ngā Mema Paremata Māori, ahakoa he aha tā rātou rōpu.