Kaupapa: Waitangi

He wero atu ki te Pirimia me te Kāwana Tianara kei te haere ki Waitangi

  • Te Tai Tokerau

Hei tā te māngai nei mō Te Tii Marae, Waitangi, arā tonu tētahi taki e kainamu ana mō te Kāwana Tianara me te Pirimia o Aotearoa i tēnei tau.

Arā, mehemea ka whakamanangia e rāua te mana o Te Whakaputanga Iho me te Tiriti o Waitangi hei kawenata e ora tonu ana inaiānei.

Tukuna atu ana te pātai, mehemea ka puea anō ngā nawe o te hau kāinga o Te Tii Marae, Waitangi i runga anō i te whakaaro, mā wai e arataki i te Pirimia ki runga i te marae i tēnei tau.

Ko te tau 2014 tērā, e tohu ana i ngā tau 10 kua hori, mai anō i te pupūnga mai o te Hīkoi Takutai Moana, ā, hei tā Taurua, ko ngā nawe ki te mana o te papamoana, me te rautaki a te Kāwanatanga kia hōparahia te riu moana o Te Reinga mō te hinu, ka whakawahangia i tēnei tau.

Kahore e mōhiotia ana āhua ka wehe atu te hīkoi e kainamu ana mai te Rerenga Wairua, engari i tēnei wā tonu, e wānanga tonutia ana te take nei.