He waka tawhito no Tainui kua tūkinohia e tētahi ahi

Mere McLean
  • Waikato/Te Waiariki

E tuwhera tonu ana ngā tatau o te whare pupuri taonga o Waikato ki Kirikiriroa, ahakoa te pānga ōna e te ahi inapō. 

Ko tētahi o ngā taonga i tūkinohia ko tētahi waka, he rua rau tau te tawhito.  Ko Te Winika tōna ingoa, i kitea i Ngāruawāhia whitu tekau tau ki muri.  Ki tā Tame Pokaia, māngai mō Tainui ki te whare pupuri taonga ko te whakatika i ngā taonga te mahi inaianei.

“Ko te mahi i tēnei wā, mahia te mahia, whakatikatika ngā wāhanga kua aitua, kia ora mo āpōpō.”

I pā ngā matikara o mahuika ki tēnei whare pupuri taonga i waenganui i te iwi me te tekau karaka i te pō rā, hei reira e tipu ana te māharahara mō te nui o ngā taonga o Tainui kei tēnei whare pupuri taonga, engari ko tā ngā kōrero mai a Tama Pokaia, kāua e māharahara. 

Kāre i te mohiotia te whānuitanga o ngā kōrero. Ka rere tonu ngā whakatewhatewha e pā ana ki te pūtake o te ahi, heoi, ka tuwhera tonu ngā tatau o te whare i te wā ka rere ngā mahi whakatikatika.