He wairua pai kua kitea e te marea ki te huihuinga o Wanderlust

Wepiha Te Kanawa
  • Tāmaki Makaurau

He ranga i te taha wairua i te rā nei, nā te whakarewatanga o te huihuinga yoga a Wanderlust i Tāmaki ki Waiorea. I timata ai tēnei hui i Kanata i te tau 2009, ā, koinei te wā tuatahi ka noho a Aotearoa hei tangata whenua mo te hui.

Whai muri i te whakatau a te iwi kainga, i whai wāhi atu ngā kaitorotoro e rua mano ki ngā wananga maha i whaktūria ki Waiorea.

Hei tā Shane Taupo, “Kia hāneanea ai te tangata, kia aronui, nā te mea e ahotea ana te noho ki Tāmaki, nāreira me tāwariwari te tinana.”

E rima tau te uri o Tainui a Shane Taupo e whakangungu ana i te yoga, e ai ki a ia ko tana taha Māori te take e whai maramatanga ia ia ki te taha wairua o Yoga.

Engari ehara ko te mahi yoga anake te mahi, a te pō nei a ka tū a Ladi6 rāua ko DJ Aroha ki te papatūwaewae.