Kaupapa: Rereātea - Midday News

He wāhi auahi kore ka whakatū kei waho i ngā wāhikai i Tāmaki Makaurau

  • Tāmaki Makaurau

Ka auahi kore ngā wāhi kai katoa ki Tāmaki Makaurau atu i te marama o Whiringa-a-rangi i tēnei tau.

Nā te Kaunihera o Tāmaki Makaurau tēnei kaupapa here i waihanga, ā, hei tā rātau, ka ūhia hoki tēnei ture auahi kore ki runga i ētahi wāhi tūmatanui, me ngā tātahi huri i te rohe. E harikoa katoa ana Te Kāhui Matepukupuku o Aotearoa, inā rā, kua tutuki i te Kaunihera te tōmina kua roa nei e whakaarohia ana e te marea.