He waerenga i te kāri, hei whakawātea i te hinengaro.

Tema Hemi
  • Tāmaki Makaurau

Ko ngā painga o te puta ki waho i te whare mō te hinengaro o te tangata, te ketuketu a ngā rōpū hauora hinengaro.  Kua tuwhera ake i a rātou tētahi kaupapa māra kai mā ngā kainoho o te rori o Blacklock i Waipareira, me kore noa e puta he oranga i te kōrerorero i ō raruraru ki tētahi atu. 

He waerenga i te kāri, hei whakawātea i te hinengaro.

Ko tā Rangi Mclean o Hāpai Te Hauora, "I te wa ō ā tātou kaumātua, i roto i te whakatū māra kāri he rongoā kei roto i ā ia mō te o te kaupapa nei o te mate hinengaro. I kite ai mātou he maha ō ā tātou whānau e noho ana i roto i tēnei māuiuitanga."

He kaupapa tēnei nā Hāpai Te Hauora, Te Manatu Hauora me Te Rōpu Mate Hinengaro ō Aotearoa i arahi.

Ko tā Mclean anō, "I pupu ake i roto i ngā kirimana ki waenganui i ā Hāpai Te Hauora, me Te Manatu Hauora, me tērā o ngā rōpu Mate Hinengaro ō Aotearoa. I tukuna mai i ngā putea hei awhina i tēnei o ngā kaupapa, ki te whakatū he kaupapa pēnei, ki te whakatū māra kāri."

I te rūritanga a Te Manatu Hauora rua mano tekau mā rua, tekau mā toru, ko te kotahi i te tokoono hunga pakeke ka pāngia e te mate hinengaro, hei tāpiri, ko te mate pāpouri, mate whaiaro rua me te mānukanuka. Ko te whāinga ia mā te mahi māra aua heke e whakamahū.

Ko tā Kelly Francis o te rōpu Whenua Warrior, "Ko te whakahoki ki ngā mōhiotanga ō ā tātou matua tūpuna me ngā mahi i mahia e rātou, kia kaua e raru kia ārai atu i ngā āhuatanga tauiwi e kaupēhi nei i ā tātou i ēnei rā, ā ka āhei hoki te hunga ki te āta hāere me te whakamīharo i ngā tāonga kei mua i te aroaro."

Ko te katoa o ngā rauemi i tākohatia mō te kaupapa nei, ko te kainoho o te wāhi e tu ana te kāri he kaimahi hauora nō Hāpai Te Hauora. Ko ngā rawa katoa o te kāri ka tākoha atu ki te hapori.