He tutakinga ki wāenga i nga kaimahi ō mua o Tachikawa me ngā kaiwhakahāere

Mere McLean
  • Waikato/Te Waiariki

Nuku atu i te ono tekau ngā kaimahi o mua i mahi mo Tachikawa, tae noa ki o rātou whānau me ngā mema o te uniana i takahi atu ki ngā tari o Hancock Forest Management i tenei ra kia rapu utu na runga i te noho tawewe o a rātou korero mo te utu. I kati te mira o Tachikawa ki Rotorua i te marama kua hori, a, ko te whai a ngā rōpu katoa kia taka mai tētahi wāhanga o ngā hua ki a rātou. 

He haerenga ā tira i te kawe i te kotahi o ngā kaupapa kia tūtaki, kanohi ki te kanohi ki ngā kaiwhakahaere o Hancock

Heoi ano, i riro mā te kanohi o Taihakoa o Hancock Forest te whakahē ki ngā whakapae ko rātou kei te whakatāwewe i ngā mahi, e taka ai ngā pūtea ki ngā kaimahi o Tachikawa.

Ko tā Bill McCallum o ngā kaiwhakahāere o Hancock Forest, “Kāre ano a Hancock kia whātoro ki ngā rawa o Tachikawa, kāre mātou o Hancock i te hao i ngā rawa kia riro aua rawa ki nga kaimahi i te tuatahi.”

I tukua atu tētahi reta mai te uniana ki te kaiwhakarite o Hancock Forest Management, kia whiu atu te urupare mēnā ko rātou tētahi o ngā kamupene rākau tokowhā kei te whakatāwewe i ngā utu ki nga kaimahi. Ko te whakahoki a Hancocks kei te hē katoa taua whakapae.

Ko tā Syd Kepa o te Uniana, “i puku to rātou rae, na ngā kaimahi me te uniana, kia tūtaki kanohi ki te kanohi, kia tango i to rātou kerēme.”

He waru tekau ngā kaimahi o Tachikawa kei raro i te maru o te uniana, i te katitanga o te mira i tērā marama kotahi rau, toru tekau ngā kaimahi i uru ki roto.  He iwa tekau mā rima paiheneti o ēnei kaimahi he Māori.  Ki ēnei kaimahi, ehara rātou mo te tuohu

Ko tā te uniana e whakapono ana kua timata ngā au heke, au piki e neke ai ngā mahi me te manako kia tau mai tētahi korero ki o rātou mema hei tēnei ahiahi tonu, mēnā ka whiwhi rātou i te tekau mano tāra i mua i te kirihimete, kaore ranei.