Kaupapa: Land

He ture hōu ka hangaia e te Ture Whenua Māori

updated
  • Tāmaki Makaurau

Kei mua i te aroaro o Te Puni Kōkiri te mahi nui ki te aruaru i ngā whakāro a te iwi whānui mō ngā whakahoutanga ki Te Ture Whenua Māori.

Koia nei te take e wānangatia ana i waenga i ngā kaiwhakahaere whenua Māori, me ngā kaiwhiwhi whenua Māori, tae noa ki ngā rōpū kaitiaki whenua a te Karauna.

Ko te whāinga o ngā ture hōu e whiriwhirihia nei kia whakahokia ngā whenua Māori ki ngā whanau, ki ngā hapū, ki ngā rūnanga anō hoki, mā rātou tonu hei whakahaere.

Engari tērā anō ngā whakatupato e tirohia ana i roto i ngā ture hōu nei kia kaua e whakangāwarihia te ture e taea ai e tetahi te tuku poka noa i te whenua ki tetahi atu.

Hei te otinga ko ngā kaiwhiwhi whenua Māori ka whai hua, ka manaakitia e ngā ture hōu.

Kei a Numia Ponika-Rangi tēnei pūrongo hei te 5:30pm i Te Kāea.